ការអភិវឌ្ឍពូជកៅស៊ូការងារដែលបាន​អនុវត្ត​​​នៅក្នុង​ផ្នែក​បង្កាត់​ពូជ​សំដៅធ្វើសុវុឌ្ឍិកម្មក្លូនកៅស៊ូ តាមរយៈការនាំចូល ការប្តូរក្លូនជាមួយនឹងបណ្តាប្រទេសជាសមាជិក IRRDB ការបង្កាត់និងធ្វើជម្រើសពូជ ការពង្រឺងគុណភាពរុក្ខសម្ភារជាពិសេសការគ្រប់គ្រងច្បារពូជ ការអភិវឌ្ឍ​ក្លូនកៅស៊ូ​កម្ពុជា និងការផ្តល់ជាអនុសាសន៍ក្លូនកៅស៊ូសម្រាប់ការដាំដុះតាមដំណាក់កាល ឆ្លើយតបទៅនឹង​លក្ខខណ្ខ​​ក្សេត្រ​​​​​​​​​​​​​បរិស្ថាន​​តាមតំបន់ ក្នុងគោលបំណងបង្កើននូវ​​​​ផលិតភាព បង្កើននូវចំណូលដល់អ្នកដាំដុះកៅស៊ូ និងរួមចំណែកដល់​ការ​​អភិវឌ្ឍសេដ្ឋកិច្ចជាតិ។ ច្បារពូជកៅស៊ូចំនួន០៩នៅតាមបណ្តាតំបន់មួយចំនួន ដែលឆ្លើយ តបទៅនឹងលក្ខខណ្ឌ​បច្ចេកទេសកំណត់ ត្រូវបានពិនិត្យ វាយតម្លៃ និងផ្តល់វិញ្ញាបនប័ត្រ។ ស្រាវជ្រាវការអភិវឌ្ឍ​ធនធានក្លូនកៅស៊ូកម្ពុជា​​ ធនធានសេនេទិចកៅស៊ូលេចធ្លោចំនួន​២០ ត្រូវបានជ្រើស​រើសសម្រាប់ការបង្កើតចម្ការ​ពិសោធន៍​ទ្រង់ទ្រាយតូច​ដើម្បីវាយតម្លៃបន្ត។ ប្រព័ន្ឋចម្ការពិសោធន៍ទ្រង់ទ្រាយធំត្រូវបានដាំដុះ ដោយធ្វើការ​ដាំ​ដុះរាយប៉ាយទៅតាមទីតាំង និងតំបន់ផ្សេងៗដូចជា

(១) ស្ថានីយ៍អនុវត្តនៃ វសកក

(២) ក្រុមហ៊ុនសុភ័ក្ដនិកា

(៣) ក្រុមហ៊ុនក្រែក ខេមបូឌា (ខេត្តត្បូងឃ្មុំ)

(៤) ក្រុមហ៊ុនក្រែក ខេមបូឌា (ខេត្តសៀមរាប)

(៥) ក្រុមហ៊ុនទ្រីភាព ទន្លេ​ម្រេច (ខេត្ត ព្រះវិហារ)

(៦) ក្រុមហ៊ុន SOCFIN-KCD (ខេត្តមណ្ឌលគីរី)។

       ការដាក់ពង្រាយ​ចម្ការ​ពិសោធន៍​បែបនេះ គឺដើម្បីពិនិត្យវាយតម្លៃ​អំពីសក្តានុពលនៃក្លូននៅតាមបណ្តាតំបន់ ដែលមានលក្ខណ: បរិស្ថាន​ផ្សេងៗ​គ្នាដើម្បីផ្តល់នូវភាពងាយស្រួល​ក្នុងការរៀបចំអនុសាសន៍ក្លូនកៅស៊ូសម្រាប់ការដាំដុះតាមបណ្តាដំបន់ទាំងនោះ។